Gaur, urtarrilaren 28ean, ohi denez, munduan zehar nazioarteko bakearen eguna ospatu zen. "Bakearen otoitza" esaten zaio otoitz honi, baina "Maitasunaren otoitza" esan beharko genioke.
" Jauna, egin nazazu zure bakearen zerbitzari.
Gorrotoa nagusi den lekuan, nik maitasuna jar dezadala,
iraina nagusi den lekuan, barkamena jar dezadala,
haserrea nagusi den lekuan, batasuna jar dezadala,
gezurra nagusi den lekuan, egia jar dezadala,
zalantza nagusi den lekuan, sinesmena jar dezadala,
etsipena nagusi den lekuan, itxaropena jar dezadala,
ilunpea nagusi den lekuan, argia jar dezadala,
tristura nagusi den lekuan, poztasuna jar dezadala.
Nire jokabide izan dadila, Jauna,
ez ni poztua izatea, besteak poztea baizik,
ez ni onartua izatea, besteak onartzea baizik,
ez ni maitatua izatea, besteak maitatzea baizik.
Izan ere, Zuk erakutsi diguzu,
ematea dela, hartzaile izateko bidea;
norberaz ahaztea dela, nork bere burua aurkitzeko bidea;
barkatzea dela, barkamenera iristeko bidea;
eta hiltzea dela guretzat, betiko bizitzara berpizteko bidea ".
Oharra: Argazkien albuma ikusteko, klikatu HEMEN.
RSS